طريقه عمل الفراخ المشوية على الفحم
لكل محبي المشويات
لكل محبي المشويات (الفراخ المشوية علي الفحم) اكيد جربتى تتبيلات كتير
لشوى الفراخ انا عن نفسي جربت كتير بس في كل مرةكانت بتنشف منى اكيد دة بيحصل
معاكو لحد ما جربت التتبيلة دى والله انبهرت بالنتيجة كل اللي اكل منها حس بالفرق
مش تطول عليكم بس من كثره ما طلعت حلوه مش قدرة ابطل كلام عنها المهم
التتبيلة
عباره عن
طماطم – مية - بصل- ملح – توم بودرة- بصل بودرة- زيت- بابريكا- شطة حسب
الرغبة- توابل – قرفة وجنزبيل بودر- خل ابيض
الطريقة
هنفرم الطماطم في الخلاط من غير ما نضيف عليها حاجة خالص وبعدين هنحطها في
الوعاء اللي هننقع فية الفراخ وهنضيف كل المكونات اللي زكرتها هتساليني لية ما
ضفناش المكونات علي الطماطم في الخلاط
اقولك لية علشان هتغير الطعم ولون الطماطم
طبعا هتستعملي كمية التتبيلة على حسب كمية الفراخ اللي هتعمليها
بعد ما نضيف المكونات علي بعضها هنكون عملين الفراخ بتعتنا كويس ومصفينها
جدا علشان نشيل منها اي ظفارة تقطيع الفراخ زي ما انتى عايزة
بعد كدة هنحط الفراخ في التتبيلة ونسبها ليلة قبل الاستعمال صدقينى هتفرق
في الطعم اوي عن تجربة
بعد كدة هتولعي الشواية بتعتك وسيبي الشبكة اللي هتشوى عليها تسخن اوي
علشان الفراخ ما تلزقش فيها والفراخ علي الشواية غطيها باي حاجة علشان تسرع معاكي
التسوية وكمان هتخلي الفراخ طرية من جوة مش ناشفة ممكن غطا حلة مثلا
وبالف هنا علي قلبك
يا رب اكون قدرت افيدكم
